مسجات ليبية روعة

مانك الا غلطانه...حسك رقيق وشفرتك لبيانا ترنى عقاب الليل

يامريوحه ...ويا قاعده فى الحوش كيف اللوحه...انا عارفه النقال كيف اطروحه
ياكبر خوفى تطلعى شوشانا.
=====================================


نرجو فيك ياغايب اتجينا ...
بعدك طال طولت الغياب ...
انكان نسيت احنا مانسينا ...
دز العذر كان عندك اسباب ...
انكان اتقول في حقك اخطينا ...
هات الدليل واحكم بالصواب ...
نرجو فيك يا غايب اترد ...
عز العمر عدا في رجاك =====================================


ايش جابرك ياقلب رد عليا ... ايش جابرك عالموجعه والسيه
ياقلب بلاش محنا بعد ما ينكرك مازال تبي منا
وين ينشدوك تقول كنت نحبه هو باعني والعيب ما هو فيا
ياقلب انسى غرامه وانسى صوته ومشيته وكلامه وخلي حياتك ماشيه عاديه.

=====================================


مش هكا تكون الليبيه ... بنت الاجواد انكان تنشد فيا
سود الميامى وبالسواد سفيا ... ام الخــدود امورده دهنيــه
فيها محاسن واضحه وجليه ... بيض القلوب و صافيات النيه
حلوه وجميله وكلها حنيه ... كريمه عطوفه من العظيم هديه
تستر البيت امربيه ذريه ... تكرم الضيف انجاك وان الجيه
فى طاعة المولى و زاد رضيه ... تعرف الله وعاشقه فـ نبيه=====================================



تونسية قالت : العقل فيه برشا هموم مانجمش ياعزيز أنقولهن ...

ردت عليها الليبية : هابا ياماشايل عقلي غير وطيت عليه بثقلي ...



=====================================


رفيقي مصوقر ماهناك مثيله يصون الرفق من قبل ما نشكيله ...
رفيقي ذراعي وين الفزع حاضر ايجي مداعي ...
نرقد ويبقى في سريره واعي ...
يحسب حساب الدهرفي تبديله .

=====================================




يــابــعــيــد الــجـــوبـــه ...
معاي نار تكبر دايره لهلوبه ... وصلني جوابك .

قــريـت كـلامـه ...
مالسـطـر لــول لاعـقـاب سـلامـه
كـلام بعـدهـا ناعـشـت فــي دوامــه
وايـام ماضيـه مالعمـر مـي محسـوبـه



يــابـــعـــيـــدالـــديـــره
عايـش علـي ذكـراك سمـح السـيـره
والعقـل مـن فـرقـاك حـايـر حـيـره
نــاوي يـتـوب ومـاقـدر عالتـوبـه



يــابــعــيــد الــســـاكـــن ...
عالبـعـد والهـجـران حـبـك مـاكـن
ويـن مانويـت انديـر عــزم بـلاكـم
جميـع المنـاضـر شفتـهـن مقلـوبـه .
=====================================



لوكان البكا ينفع انسيل معاها .. في كل ساعة نين نبقوا دوبه
غير البكا مايجيب غير عماها .. وفي الاخرة يبقى عليك عقوبة
=====================================



صوتك حنون ودوتك ركاحي وانفاسك دفى ودواء لجراحي ... صوتك حنون عشقته زي العسل ادمنته وعلى صوت نبضاتك الهم دفنته بقيتي ونس ليلي ونور صباحي ... صوتك بقى وناسي ومع همستك نفقد جميع حواسي

=====================================



مهما عليك انغيب .. والايام تبعد بيا .. قاعد معي قريب .. ماهنت يوم عليا .. سريبي معاك سريب .. فايت حدود الغية .. وان كان عندك عيب .. بعيبك تعز عليا .

=====================================

مصيونه في الخاطر كنتي ... لكن خنتي...وفيت بعهدي ماصنتي
كنتي في الخاطر مصيونه ... بين عيونه ... لكن كافيتي بالخونه
خليتي كبدي مسحونه...امنين طعنتي ... سيفك في ظهري مكنتي
طلعتي ليغيري بليونه... فيسع لنتي...في لحظة ليه استسلمتي
وليتي عبده في كونه ... بيه حلمتي ... قصة حب معاه ضمنتي

مصيونه كنتي يا لللا... لكن والله ... قدرك طاح تحطم كله
كنتي ورد نسيم وفله... لكن هنتي... مكروهه في عيني شنتي
قلبك جاه ابليس وضله...ماقاومتي...صرحتي بعيبك بينتي

=====================================


انموت علي طاريهم بس اسماح الحس اللي ملقاهم فيه ونس =====================================

-نطلق اعياط مو من جرح من غيبه ابعيدين علي
=====================================


-منك طله تمسح داره الكبد عمري كله يابال قعده معاه
=====================================


-خلاني عزيز رماد مغير فيش يانار والعه
=====================================


-العين عايشه بغلاك بعد غلاك روحي تنتهي
=====================================

-الخاطر يالعزيز مليت مكان الغيرك ماخليت
=====================================

-اهموم كي انجوم الليل عزيز مامشا نين سيبلي =====================================


- كيف النهار القبلي صهد وعجاج منهن مبلي نهار غيبته
=====================================

-مازالت ناره هي ناره ماتباعد غير بداره
=====================================

-نرجاهم نا نرجا نرجا كن ماجولي نهارج هرجه

=====================================

-ولد حرام دمع العين كمل نضيح مايوم جابهم =====================================

-علي ارياف جوك منام بدموعك اوعيتي غارقه
=====================================

-غلاكم نحسابوه ايام طلع عام يدودش في عام
=====================================

-الناس بعدك يالعزيز وجع راس ماعاد يلزموا =====================================


مازال فيكم شوقي .. ومازال يجري دمكم في عروقي .. ومازال رفقتكم ذهب في سوقي .. مرايف عليكم مو ناسيكم .. انجيكم مش عارف علاش انجيكم .. نمشي ونا مازال شوقي فيكم .