شبح النخل خطر عليا بلادى , طلال عطية الحامدى

من طرف سامى الحامدى الجمعة مارس 13, 2009 12:47 am

شبح النخل خطر عليا بلادى , طلال عطية الحامدى

شبح النخـل خطر عليـــــا بلادى . . . . وخطر على وطن الجبـل والوادى
شبح النخـــــل وجــــــــــــــريــده . . :clap. خطر على زوزام وغراريــــــده
وطالت عليا ليلتى تهويــــــــــــده . . . . ولانمت لاطاقت العين رقـــادى
بعيد وطنا عايش ايــام نكيـــــــده . . . . عيشت بعيد الوطن من الابعـادى
انظر وين نجع الحامدى ولــهيدا . . . . وزوزام وكرى وغايتى ومــرادى
الغربة كما كوية النار شديـــــدة . . . . ويعرف الغربة من خطــا عالوادى
نزل ليلها وسمع البوم غريـــــده . . . . ونسمع ندا وكرى بعيدا اينــــــادى
طير البحر ياصاحبى بنشيـــــده . . . . وطير الجبل برنى نظــيــف مبادئى
أحنا وطنا داير جبـــــــــال بعيده . . . . وطن الجبل الازرق مغـرب غادى
اللى فيه الازرق هدرتـــا وهديدا . . . . الياكان جى مهدود شـــــهر الحادى
وسيبت صاحب صيدتـا وحديدا. . . . وقعــــــــدت اعمـــاه عوالتى وبرادى
النخلات ياصاحب أبيات قصيده . . . . خطــــرت عليا فى جلستى وقعادى
شبح النخل خطر عليــــــا بلادى . . . . وخطر على وطن الجبـــل والوادى
شبح النخل واثمــــــــــــــــاره . . . . خطر عليـــــا كافنــــــــــــــا وأوعاره
قدا القصر والعنقر وزيد جفاره . . . . وولــــــيت للظاهر أمــــــراح البل
وين نجعنا بانت قويا نـــــــــاره . . . . الياكان زم الـــــــــــــراحلة ورحل
وجاهم ربيع بخضرنا ونــواره . . . . ورحلــــت نــــجوع الباديــات أكل
أيام عزهم فاتت علينا خســـاره . . . . ويـــحكولنا على مضــــا وكمـــــل
خراف عصر العولمه وحضاره . . . . ومر حــولها الدنيــــا خلاص نزل
تساوي الزمان فى ليلته ونهاره . . . . والعيد وأهلالا سريــــــــع ايهــــل
ياريت يرجع مامضى وتواره . . . . وتــرجع نـــــــزالى نجعنـــــــا الاول
موحال بعاشر الصقر حبـــاره . . . . ومـــوحال يرجع مامضـــــــا وذبل
وربى كريم بقسمتا وقــــــراره . . . . ونختـــــم انصلى على النبى الهادى
شبح النخل خطر عليا بــــلادى . . . . وخـــــطر علي وطن الجبل والوادى